HYDRAULICS I (Basic Course): ISBN: 978-81-977564-3-6

Aziz o‘quvchi! Qo‘lingizga olib, o‘rganishni boshlayotgan ushbu Gidravlika fani asoslarini yorituvchi darslik ona tabiatimizning eng oliyne’matlaridan biri - suyuqlik deb ataluvchi fizik jism haqida, uning hozirgacha ma’lum qonuniyatlari haqida ma’lumot beradi. Ulug‘ rus matematigi N.I.Lobachevskiy (1793-1886 yillar) o‘z davrida ajoyib bir fikrni shunday ifodalagan: «Bir aqlli insondan butun donishmandlikni o‘rganish uchun behuda urinmang. Butun hayotimiz qonunlarini faqat ona tabiatdan so‘rang. U biz uchun noma’lum bo‘lgan sirlarni to‘laligicha o‘zida saqlaydi va Sizni qiziqtirgan barcha savollaringizga albatta to‘liq javob beradi».

Modomiki, biz ushbu darslikda o‘rganadigan bilimlarimiz tabiatimizning asosini tashkil etuvchi fizik jismlar (suyuqliklar) qonuniyatiga bag‘ishlangan ekan, bu bilimlar insonning ongli faoliyati uchun faqat foydadan holi emas.